有日一位女士嚟到診所。
我係跟症嘅，因為女士要做婦科檢查～
醫生問：「之前有冇做過呀？」
女士表情驚慌：「做啲咩呀？」
醫生：「呢個檢查呀，你知係要放個鴨咀鉗入去嗎？」
女士：「吓？」
醫生：「你未做過呢啲檢查？」
女士：「做過呀，好多年前做過，唔記得咗係咪咁咋嘛」
醫生：「OK，咁循例都要問嘅，你係咪處女？」
女士：「我個樣似處女咩？」
點答你啫，你正正經經答唔得嘅咩，唔通醫生話你有樣子避孕大法咩？話你唔似又死，話你似又死。
醫生：「我都係循例問返，因為如果你係嘅就有唔同嘅做法」
女士：「就算我係我都唔介意，仲可以話自己第一次係俾咗個醫生」
…醫生決定望返部電腦算。
唔好意思，我想更正返，如果咁計嘅，你個第一次會俾咗個鴨咀鉗，聽落SAD過俾咗部單車。
喺準備檢查時，佢好大聲講咗句：「嚟啦醫生！」
醫生：「放鬆就可以啦」
女士：「死魚狀態咗啦」
…很好。
順利做完檢查就是好。
Search